A rúa da praia presenta un estado lamentable desde que pasou por ela a canalización de electricidade.

Por iso, e como non observamos que se vaia a arranxar a mesma nun futuro próximo, decidimos presentar unha reclamación ao concello solicitando por escrito as datas de arranxo da rúa.

Reclamación presentada

A nosa praia necesita unha limpeza de cara ao verán. Por iso a Asociación de Veciño presentou unha queixa no concello ao respecto para que se corte a herba e se limpe o areal, así como para que se coloquen carteis informativos con recomendacións xerais de uso da praia.

Reclamación presentada

A nosa praia necesita moitas milloras e unha delas son os canais de auga e o apozamento da mesma en gran parte da praia. Por iso presentamos unha reclamación no concello para que se faga un recheo das pozas e se entuben os canais.

Reclamación presentada

Na mañá de onte fomos recibidos polo alcalde de Paderne D. César Longo, quen moi amablemente contestou a todas as nosas inquietudes acerca das posibles obras que pode realizar o seu concello no noso pobo.

Concretamente falamos de dous puntos importantes:

- Obra do Gas Natural.

- Suposta construción dunha depuradora en Ponte do Porco.

 Ademais destes temas, tratamos outros de igual importancia, nunha reunión que durou máis dunha hora e da cal saímos moi satisfeitos polas súas respostas e o seu trato.